ნორვეგიელი ფუდ–სტილისტი – Paul Lowe ამჟამად ნიუიორკში ცხოვრობს და მოღვაწეობს. იგი საკმაოდ მომხიბვლელ კომპოზიციებს ქმნის და თანამშრომლობს სახელგანთქმულ ჟურნალებთან.

Marimekko – ეს გახლავთ დიზაინერული ბიურო, რომელიც ძალზედ მკვეთრსა და ნათელ ფერებში შესრულებულ პროექტებს ანხორციელებს. და აი, ეს ფინური კომპანია გაერთიანდა – Sharp–თან და ერთობლივი ძალებით გამოსცეს მობილური ტელეფონი, რომელიც – Sharp SH- 08B–ს ბაზაზეა შექმნილი და ხელმისაწვდომია – NTT Docomo–ს ქსელში. ტელეფონს ამ ბრენდისთვის დამახასიათებელი კლასიკური იერსახე აქვს, მაგრამ ჯერ–ჯერობით მხოლოდ იაპონიის გასაყიდ ქსელში მოიპოვება.

Rolls-Royce Apparition-ი ეს გახლავთ ახალგაზრდა – Jeremy Westerlund–ის მიერ შემუშავებული ავტო–კონცეპტი, ვინაც დალასში ცხოვრობს და ჯერ კიდევ დიზაინერული სკოლის სტუდენტია. ავტომობილი გეომეტრიულად მკვეთრი სწორხაზოვნებით გამოირჩევა, მას საკმაოდ დიდი ძარა (მისი სიგრძე 7 მეტრია) და 23 დიუმიანი, მაკაგონის ხის მასალით ინკრუსტირებული საბურავები აქვს.

სან–პაულოში არსებული ბუტიკი – MiCasa–ს მეპატრონე – Houssein Jarouche–მ თხოვნით მიმართა ფრანგულ–ბრაზილიურ არქიტექტორულ სტუდია – Triptyque–ს დიზაინერთა კოლექტივს, რათა მის მფლობელობაში მქონე 300 კვ. მეტრი ფართობის აპარტამენტის ინტერიერის დიზაინზე ეზრუნათ, სადაც შემოქმედებით ჯგუფს სრული თავისუფლება მიანიჭა მათი იდეებისა და ხედვის რეალიზაციისა. დიზაინერებმა კი პროექტი ფრიად უცნაური მეთოდით განახორციელეს, რამდენადაც სივრცეში განათავსეს უზარმაზარი სკულპტურა, რაც წიგნების ერთგვარ კარადას წარმოადგენს და ამავდროულად არსებული სივრცის გამყოფადაც გვევლინება.

გთავაზობთ ინგლისელი მომღერლისა და სიმღერების ავტორის – Clare Maguire–ის ახალ კლიპს, რომელიც თავის მეორე სინგლ – „The Last Dance"–ზეა შექმნილი. შეგახსენებთ, რომ სიმღერა მაიკლ ჯექსონს ეძღვნება და მისი გარდაცვალებიდან მეორე დღეს იქნა დაწერილი. Clare Maguire–ის სადებიუტო დისკის სახელწოდება, კი იქნება – "Light After Dark”–ი.