აშშ-ში ფლორიდის შტატის 22 წლის მცხოვრებ ალექსანდრა ტობიასს ასამართლებენ, რომელმაც ახალშობილი ვაჟი მოკლა. როგორც თავად განსასჯელმა აღიარა, მკვლელობის დროს ბავშვზე განრისხდა, რადგან ის მას "Facebook"-ზე პოპულარული თამაშის "FarmVille"-ის დასრულების საშუალებას არ აძლევდა. ამ დანაშაულისთვის მას სამუდამო პატიმრობა ემუქრება, წერს გაზეთი "The Florida Times Union"-ი.
სასამართლოში განსასჯელმა განაცხადა, რომ 2010 წლის იანვარში მას 3 თვის ვაჟი დილანი ლი ედმონდსონი საკუთარი ტირილით ინტერნეტში ვირტუალური ბაღჩის მოვლაში ხელს უშლიდა. მან ბავშვს ხელი დაავლო და მთელი ძალით რწევა დაუწყო. ცოტათი რომ დამშვიდებულიყო, ბავშვი სავარძელზე დააწვინა, თავად კი სიგარეტის მოწევა დაიწყო.
ტობიასის თქმით, ვიდრე ის სიგარეტს ეწეოდა, დილანს ძაღლი სწვდა და სავარძლიდან გადმოაგდო. დაცემის დროს ბავშვმა თავის ქალისა და ტვინის სასიკვდილო ტრავმა მიიღო .
|