 ზაფხულის დადგომისთანავე მსახიობი კეიტ ჰადსონი ჩემოდნებს ალაგებს და თავის ნიუიორკულ ბინაში გადადის. მალიბუში, სადაც ის მუდმივად ცხოვრობს, ზაფხულში საშინელი სიცხეა - კონდიციონერებიც კი ვერ შველის. ამიტომ კეიტი ჩრდილოეთში მიემგზავრება, ხოლო სახლი რომ არ მოცდეს, აქირავებს.
ეს საბოლოოდ არც ისე ცუდი შემოსავალი გამოდგა კინოდან შემოსულ თანხებთან ერთად: ერთი თვის საზღაურად ჰადსონი დაახლოებით 90 ათას დოლარს ითხოვს. თუ ზაფხულის სამ თვეზე გავამრავლებთ, თითქმის სამასი ათასი დოლარი გამოდის.
გმადლობთ, დედა
კეიტ ჰადსონის ბიზნესი იმის ერთ-ერთი მაგალითია, როგორ შო ულობენ ვარსკვლავები ფუ ლს "გვერდზე", არა თავიანთი ძირითადი საქმიანობით. თითქოს, რატომ? ფული ხომ ისედაც ბლომად აქვთ. მაგრამ, ჯერ ერთი, მათ ხარჯიც ბევრი აქვთ, თანაც, ფული არასდროს არის ზედმეტი.
"გვერდითა" შემოსავლის ყველაზე მარტივი საშუალება საკუთარი პოპულარობით ვა ჭრობა, სარეკლამო კონტრაქტი ან ნამდვილ ბიზნესში ხმაურიანი სახელით "ჩართვა" და კლიენტების მოზიდვაა. თუმცა ამას თავისი რისკიც ახლავს, შეიძლება ახალდაწყებული ბიზნესი ჩაფლავდეს და ვარსკვლავის რეპუტაციაც თან გაიყოლოს, რაც, რასაკვირველია, მომგებიანი არ არის, მაგრამ თანხების დაკარგვას მაინც არ უკავშირდება.
თუმცა არსებობს სასიამოვნო გამონაკლისებიც, ზოგიერთს უმართლებს და "იმიჯის" გაყიდვით უამრავ ფულს შოულობს. მაგრამ ეს უფრო გამონაკლისია, ვიდრე წესი. ასეთ იღბლიანებს შორის არის იგივე კეიტ ჰადსონი, რომელიც თავის 10 მლნ დოლარად ღირებულ, დედისგან უფასოდ მიღებულ სახლს აქირავებს. დედამისმა ხომ - მსახიობმა გოლდი ჰოუნმა - ეს სახლი ქორწილში აჩუქა.
ბონოს კრახი
ვარსკვლავების უმეტესი ნაწილი, რომელთაც დამატებითი ფულის შოვნა სურთ, არსებულს დებენ - იმ იმედით, რომ საქმე გამოვა. ზოგიერთებს არ უმართლებთ და საქმე კი არ გამოსდით, პირიქით, უფლავდებათ. აი, მაგალითად პოლ დევიდ ჰიუსონს, იმავე ბონოს. მისტერ ჰიუსონმა თავის დროზე უზარმაზარი ფული - 460 მლნ დოლარი - ჩადო კომპანია Palm-ის განვითარებაში. ეს სამი წლის წინ იყო და მაშინ ბიზნესი - სმარტფონების გამოშვება - წარმატებით მიდიოდა.
თუმცა 2010 წელი დადგა, ან სმარტფონები აღარ უნდა არავის, ან კიდევ რაიმე სხვა მიზეზია, მაგრამ ფაქტია: კომპანია გაკოტრდა. ყველაფერი იმით დამთავრდა, რომ Palm-ი კონკურენტმა იყიდა და Palm-ის შთანთქმა ბონოს 140 მილიონის დაკარგვად დაუჯდა. თუ გავითვალისწინებთ, რომ ანსამბლმა U2-მ, ოთხი წევრის ანგარიშზე, შარშან 108 მლნ დოლარი გამოიმუშავა, დანაკარგის აღსადგენად ბონოს ოფლის ღვრა კიდევ დიდხანს მოუწევს.
თვითონ არ ვსვამ, მაგრამ სხვებს ვურჩევ
ეს ამბავი ბებიის თეზისის თვალსაჩინო დასტურია: "ფული სხვადასხვა ჯიბეში უნდა ჩაიტენო და არა ერთ ადგილას". ყველაზე უკეთ ეს ფორმულა ბრიუს უილისმა აითვისა. თავად განსაჯეთ. ჯერ კიდევ 1990-იან წლებში გახდა რესტორნების ქსელის Planet Hollywood-ის მფლობელი, რომელშიც არნოლდ შვარცენეგერსა და სილვესტერ სტალონესაც ჰქონდათ წილები, - თუმცა ყველანი ხომ "ჩვენი ბიჭები" არიან.
რესტორნის საქმეები ნორმალურად მიდიოდა იმ გაგებით, რომ განსაკუთრებული შემოსავალი არ მოჰქონდა. სამაგიეროდ, კარგი დებიუტი აღმოჩნდა პირველი სიდიდის ვარსკვლავებისთვის ბიზნესსცენაზე.
შემდეგ ჰოლივუდის მონსტრების გზები გაიყარა. სლაიმ ხელოვნებაში გადაწყვიტა ინვესტირება - ფერწერულ ტილოებს იძენს. არნი პოლიტიკაში წავიდა (იქ მეტი ფული აშკარად არ არის, მაგრამ ამბიციებს იკმაყოფილებს). მხოლოდ ბრიუსი, როგორც კერკეტ კაკალს სჩვევია, არ დანებდა და გზა განაგრძო, ბიზნესში თავით ჩაფლულმა.
არც ისე დიდი ხანია ის ფრანგულ-პოლონური belvedere Group-ის აქციების მფლობელია, კომპანიის, რომელიც უკრაინაში ნამდვილი არყის ქარხანას ფლობს. გარდა ამისა, უილისი არაყ aray Sobieska "მუშაობს" და სულ ახლახან მოაწერა ხელი კონტრაქტს გერმანულ კოსმეტიკურ კომპანია LR Health & Beauty Systems-თან. ეს გარიგება ბრიუსის ფანებს განსაკუთრებულ სიხარულს მიანიჭებს - სუნამოს მათი კერპის სურნელი ასდის. დიახ, მსახიობი სუნამოს უშვებს თავისი სახელით. პირველ ივლისს სანუკვარი ფლაკონები უკვე გამოჩნდა პარფიუმერიული მაღაზიების დახლებზე მთელ მსოფლიოში. ნამდვილად ყოჩაღია, იქაც მოასწრო და აქაც იშოვა.
ასევე ყოჩაღია პამელა ანდერსონი. აი, ვისგან არ შეიძლებოდა ვინმეს ბიზნესალღოს იმედი ჰქონოდა, ეს პამელაა. ის სასტუმროების ქსელში აბანდებს თანხას, რომლებიც... ჩერნოგორიაში მდებარეობს. მერე რა? ბრძნული და შორსმჭვრეტელურია. ჩერნოგორია თითქმის იტალიაა, მაგრამ არა ისეთი ძვირი და, საერთოდაც, პერსპექტიული ტურისტული მიმართულებაა. ტურისტების საკეთილდღეოდ მუ შაობს სწორედ ანდერსონი.
თანაც, როგორც ახლაა მიღებული, სასტუმროები, რომელთა აგებასაც ვარსკვლავი თავისი თანხებით აპირებს, ჩვეულებრივი კი არა, ეკოლოგიური იქნება. თურმე, მისი დიდი ხნის ოცნება ყოფილა "ეკოლოგიური სასტუმრო სპასალონით, ჯანსაღი საკვებით, კარგი მუსიკით, თანამედროვე დიზაინითა და ხარისხიანი გასართობით". სასიამოვნოა, როცა ოცნებები სრულდება.
ვარსკვლავების სურნელები
ბევრმა ვარსკვლავმა პარფიუმერიის გზა მოსინჯა და არც უნანია. მაგალითად, პარფიუმმა Glow by JLo ჯენიფერ ლოპესს 100 მლნ დოლარი მოუტანა. პარფიუმი ბრიტნი სპირსისგან სახელწოდებით ჩურიოუს გაყიდვების პირველ წელს 10 მლნ ფლაკონი გაიყიდა. კაილი მინოუგმა ოთხი წლის წინ გამოუშვა სუნამო Darling, რომელიც 2006 წელს სხვა პარფიუმებზე უკეთ იყიდებოდა.
დანარჩენ ვარსკვლავებს კი, რომლებმაც ასევე იპოვეს გზა, "გვერდით" ფულის საშოვნელად, შემდეგ წარმოგიდგენთ.
|
Pm ( 
სულ: 756 
თვის განმავლობაში: 0 
საიტის ადმინი: 4 
სერვერის ადმინი: 3
მოდერები: 8
მომხმარებელი: 0 
მნახველი: 737 
ქალი: 653