 მსახიობი ლელა მებურიშვილი ტელესერიალ "შუა ქალაქიდან", მეორე სერიალში, - "დეტექტივებში" - გადავიდა.
- ძალიან მენატრება "შუა ქალაქი", რადგან იქ გაცილებით მსუბუქი და სახალისო სიტუაცია იყო, ვიდრე "დეტექტივებშია". თავისუფალ დროს ხშირად მივდივარ "შუა ქალაქის" ჩაწერებზე და ძალიან ვხალისობ. "დეტექტივებშიც" ძალიან საინტერესო კოლექტივია, თან უფრო რთული სამუშაო მაქვს, რაც ასევე დიდ სიამოვნებას მანიჭებს.
- წარმოიდგინე, მეგობართან მიხვედი სტუმრად და კარი შენმა ორეულმა გაგიღო...
- შემეშინდება. შეიძლება დავფრთხე კიდეც, მაგრამ თავს ძალას დავატან, გამოველაპარაკები და მის ვინაობას გავარკვევ. თუმცა ურთიერთობას თუ განვაგრძობ, არ ვიცი. საერთოდ ინდივიდუალიზმი მიყვარს და როდესაც ვიღაცას მამსგავსებენ, არ მსიამოვნებს. მართალია, ტყუპისცალი ძმა მყავს, მაგრამ ერთმანეთს არ ვგავართ. ჩემი ძმა, ბაჩოც მსახიობია.
- შტორმის შედეგად რატომ თბება ზღვაში წყალი?
- ალბათ, იმიტომ, რომ წვიმის წყალი უფრო თბილია, ვიდრე ზღვის.
- შტორმის დროს წყლის ერთი ფენის მეორესთან ხახუნისას წარმოქმნილი მექანიკური ენერგია სითბურ ენერგიად გარდაიქმნება. წარმოიდგინე გუბე. ჩაიხედე ამ გუბეში და აღმიწერე, როგორ გამოიყურები...
- ისეთი გარუჯული ვარ, რომ გუბეში ტალახიანს ვგავარ. თმა, როგორც ყოველთვის, გაჩეჩილი მაქვს და, ამასთანავე, ჩანს ჩემი გრძელი ცხვირიც (იცინის). ისე, გუბის რა მოგახსენოთ, მაგრამ სარკეშიც არ მიყვარს დიდხანს ცქერა.
- ვინ ასრულებს თენგიზ აბულაძის ფილმში ვარლამ არავიძის როლს?
- ერთი წუთით... ავთანდილ მახარაძე.
- წარმოიდგინე, პლასტიკურმა ქირურგმა მოულოდნელად დაგაძინა და როდესაც გაგეღვიძა, ხედავ, რომ მკერდი უზომოდ გადიდებული გაქვს, ცხვირი აპრეხილი, ხოლო ტუჩები - დაბერილი, როგორი რეაქცია გექნება?
- კარგი რააა? შემეშინდება. არც დაბერილი ტუჩები მინდა და არც უზომოდ დიდი მკერდი. ასეთი რამ მართლა რომ დამემართოს, გავგიჟდები.
- დაასრულე ცნობილი ინგლისური გამონათქვამი: "ნურასოდეს ენდობი პოლიტიკოს ქალს და...
- მეტეოროლოგიურ სამსახურს?
- თითქმის გამოიცანი. ინგლისელთა აზრით, ამინდს.
ის დიდი ხანია, ბრუნვაშია. თავდაპირველად წითელი იყო, ახლა კი მწვანეა. რა არის?
- რატომღაც დედამიწა მგონია და თან არც მგონია...
- ეს არის დოლარი.
- მართლა? ისე, დოლარი წითელი ვერ წარმომიდგენია...
- დიმიტრი შაშკინმა ფანჯრებთან სერენადა რომ გიმღეროს და თან ყვირილი ატეხოს, მიყვარხარო, როგორი რეაქცია გექნება?
- (იცინის) იმას ვიფიქრებ, რასაც სხვა ბიჭებზე (რომლებიც ასე იქცევიან) ვფიქრობ ხოლმე.
- სააკაშვილმა ასი დღით პრეზიდენტის სკამი რომ დაგითმოს, რას გააკეთებდი?
- სასტიკ უარს ვიტყვი. სად პრეზიდენტობა და სად მე?! ძალიან ძნელია პრეზიდენტობა. შეიძლება ბევრი კარგი გავაკეთო, მაგრამ რაღაც ნიუანსი ვერ გავითვალისწინო და სხვა, დიდი საქმე გავაფუჭო. სად მაქვს ორი თავი?
- რომელ თევზს აქვს ორივე თვალი ცალ მხარეს?
- ეს თევზი გარეგნულად მახსოვს როგორც გამოიყურება, ნაჭამიც მაქვს, მაგრამ სახელს ვერ ვიხსენებ (იცინის).
- ეს თევზი არის კამბალა. წარმოიდგინე, თეატრის სცენაზე დგახარ და სპექტაკლ "რომეო და ჯულიეტაში" ჯულიეტას ასახიერებ. ამ მომენტში სცენაზე გამოდის რომეოს ფორმაში გამოწყობილი პარლამენტის თავმჯდომარე დავით ბაქრაძე...
- (იცინის) არ არსებობს! ზუსტად ვიცი, ისეთი სიცილი ამიტყდება, რომ სპექტაკლი გაჩერდება.
- რას აჩუქებდი საქართველოს პრეზიდენტს?
- რა ვიცი, რა უნდა ვაჩუქო? მოდი, საჩუქრისგან თავს შევიკავებ.
ფსიქოლოგის დასკვნა
მარიამ ღონღაძე ფსიქოლოგი: - თბილი და ჰუმანურია. იშვიათად გამოდის მდგომარეობიდან. იცის მეგობრების და ადამიანური ურთიერთობის ფასი. არის საკმაოდ თვითკრიტიკული და სამართლიანი
|
Pm ( 
სულ: 756 
თვის განმავლობაში: 0 
საიტის ადმინი: 4 
სერვერის ადმინი: 3
მოდერები: 8
მომხმარებელი: 0 
მნახველი: 737 
ქალი: 653 
