თავად ფოქსს არაერთხელ უთქვამს, რომ დიეტებით მისი გატაცება უკვე დამოკიდებულების ფორმას იძენს. ის სამი წელია დაბალკალორიული პროდუქტებით იკვებება. მსახიობი ვიტამინების შესანარჩუნებლად საკვებს ორთქლზე ამზადებს.

ჰოლივუდის მსახიობს რჩევებს პირადი მწვრთნელი ჰარლი პასტერნაკი აძლევს. "ჩემს კლიენტს ანორექსია არ სჭირს. უფრო მეტიც, მეგანი თავად ბრაზობს, რომ ძალიან გახდა", - ამბობს ჰარლი.

მისი თქმით, ფოქსის სიგამხდრე მის ორგანიზმში მიმდინარე სწრაფი მეტაბოლიზმის დასტურია.

"მსახიობი წონაში მომატებას მთელი ძალით ცდილობს. მე მისთვის ვარჯიშების სპეციალური კომპლექსიც კი შევადგინე, რომელიც კუნთოვანი მასის გაზრდას ხელს უწყობს", - აცხადებს ჰარლი პასტერნაკი.