სონია
ელეონორა სმიტ ჟაკე 1972 წლის 23 აპრილს დაიბადა ამერიკის ქალაქ
ფილადელფიაში, პენსილვანიის შტატში. მართალია, ამერიკელია და იქვე
დაიბადა, მაგრამ ვენესუელელმა დედამ მის მომავალ ცხოვრებაში ბევრი რამ
განსაზღვრა. სონიას დედა მსახიობი ილეანა ჰაკეტი იყო და მისი გავლენით
სონია ბავშვობიდან "მოიწამლა" მსახიობობით. დედის სამშობლოში გაატარა
ბავშვობის ძირითადი ნაწილიც, ვენესუელურ კულტურას ეზიარა და შემდგომში
კარიერაც იქ აიწყო.
როგორც ვენესუელელ მსახიობთა უმრავლესობამ,
სონიამაც ერთ-ერთ სილამაზის კონკურსში მონაწილეობით დაიწყო მოღვაწეობა.
ვენესუელისთვის იშვიათი გარეგნობის, ქერა, ცისფერთვალება გოგონამ
გამარჯვება ვერ მოიპოვა, თუმცა ერთ-ერთ ფინალისტს ტელეპროდიუსერებმა
მიაქციეს ყურადღება.
რამდენიმე ეპიზოდური და მცირე როლი
შეასრულა, მერე კი თავისი პირველი მთავარი როლი ითამაშა ტელენოველაში
"დორბლიანი". მიუხედავად მიამიტური სიუჟეტისა, ეს სერიალი ვენესუელური
ტელევიზიის კლასიკად იქცა, მასში მონაწილე ახალბედა მსახიობებს კი
მაყურებელმა მაშინვე მიაქცია ყურადღება.
სონია აქტიურად მონაწილეობდა
ფილმებში 1990-იანი წლების ბოლომდე, მერე კი მცირეხნიანი შესვენება აიღო.
ამ პერიოდის განმავლობაში აშშ-ში ცხოვრობდა, სადაც სამსახიობო ოსტატობის
კურსებს ესწრებოდა და თეატრში მუშაობდა.
2006 წელს ტელეეკრანებზე
დაბრუნდა ტელენოველით "არასდროს დაგივიწყებ", რომელიც მის ყველაზე დიდ
ჰიტად იქცა "დორბლიანის" შემდეგ. ამ ფილმის წარმატების შემდეგ უკვე
ტელეარხ "ტელემუნდოზე" მიიწვიეს ნოველაში "სხვისი ცოდვები", რომელშიც
სონია სმიტმა პირველი უარყოფითი როლი ითამაშა. 2009 წელს სონია მეხიკოში
გაემგზავრა, სადაც გადაიღეს სერიალში "ისევ შემიყვარე", ამჟამად კი მისი
მონაწილეობით კიდევ ერთი სერიალი გადის ჩვენს ტელეეკრანებზე - "სად არის
ელისა?"
სონია სმიტს პირადი ცხოვრებაც მოწესრიგებული აქვს,
იშვიათად ეხვევა სკანდალებში, ყვითელ პრესას არ აძლევს ჭორაობის
საფუძველს. 2008 წელს სონია მსახიობ გაბრიელ პორასს გაჰყვა ცოლად,
რომელსაც ერთ-ერთი სერიალის გადაღებებზე შეხვდა. ისინი ზემოაღნიშნულ
სერიალშიც "სად არის ელისა" სწორედ ცოლ-ქმარს ასახიერებენ. წყვილი ამჟამად
მაიამიში ცხოვრობს.
Pm ( 
სულ: 756 
თვის განმავლობაში: 0 
საიტის ადმინი: 4 
სერვერის ადმინი: 3
მოდერები: 8
მომხმარებელი: 0 
მნახველი: 737 
ქალი: 653