ვარსკვლავურ ცხოვრებას არა მხოლოდ დიდების, არამედ მეორე, ფარდააუხდელი მხარეც აქვს, რაც სხვადასხვა დამოკიდებულებებით აღსავსეა და რასაც ისინი რეაბილიტირებისთვის ხშირად სხვადასხვა კლინიკის კარამდე მიჰყავთ. მხედველობაშია ნარკოტიკების, სასმელისა და კიდევ სხვა ბევრი პათოლოგიური რამის მიმართ ლტოლვა. დღევანდელ პოსტში წარმოგიდგენთ ცნობილ სახეებს, რომელთა შორისაც არიან: ჩარლი შინი, ლინდსი ლოჰანი, ოზი ოზბორნი, ემი უაინჰაუსი, უიტნი ჰიუსტონი, მელ გიბსონი, დევიდ დუხოვნი, ევა მენდესი, ბრიტნი სპირსი და სხვანი.
1) ევა მენდესი. 2008 წლის იანვარში – ‘Cirque Lodge’–ის კლინიკას მსახიობმა ევა მენდესმაც მიმართა, ვისაც „საკუთარი პრობლემების" მოგვარება სამედიცინო პერსონალის ჩარევით მოუხდა.
2) მელ გიბსონი. ბრწყინვალე მსახიობი და რეჟისორი 2006 წელს იძულებით იქნა გამწესებული კლინიკაში, საჭის არაფხიზელ მდგომარეობაში მართვის გამო, რის დროსაც იგი უღირსს სიტყვებს მოიშველიებდა თავდაცვის მიზნით. კურსის გავლის შემდგომ, კი მან აღიარა, რომ ეს მისი ცხოვრების მნიშვნელოვანი მოვლენა იყო, რამეთუ მან საკუთარ თაცში ბევრი რაიმე გადააფასა.
3) ქეით მოსი. სუპერმოდელი კოკაინის მოხმარებისთვის მოხვდა კლინიკაში. საქმე იმდენად სერიოზულად იყო, რომ მის კარიერასაც კი საფრთხე ემუქრებოდა, თუმცა კურსმა გარკვეული შედეგი გამოიღო, რის შედგომაც მან რამდენიმე კონტრაქტზეც მოაწერა ხელი და 2006 წელს – Pete Doherty–ზეც იყო დანიშნული (ვინაც კლინიკის ასევე არაერთგზის პაციენტი გახლდათ), თუმცა მათი რომანი კრახით დასრულდა.
4) დევიდ დუხოვნი. ყველასათვის კარგად ცნობილი მსახიობი, არაერთი ფილმისა და სერიალის სხვადასხვა როლების წარმატებით განმასახიერებელი. სერიალ – ‘Californication’–ში სექსუალური მანიით შეპყრობილის როლის განსახიერების შედეგად, 2008 წლის აგვისტოში იგი საკუთარი ინიციატივით გაემართა კლინიკაში, იმავე პრობლემის წინააღმდეგ სარებილიტაციო კურსის გასავლელად და ცოლ–შვილს სახალხოდ სთხოვა პატიება.
5) ბრიტნი სპირსი. პოპ–პრინცესამ 2007 წლის 22 თებერვალს მიმართა მალიბუს იმავე კლინიკას, საიდანაც 1 კვირის წინ იგი გაიქცა. უფრო ადრე ის იგივე მეთოდიკით მოქმედებდა ანტიგუას კლინიკაში. მისი ფსიქიური მდგომარეობის მიმართ ბოლო შეშფოთება კი იმან გამოიწვია, რომ 16 თებერვალს მან თავი გადაიხოტრა. ვერ გეტყვით რაოდენ მაღალშედეგიანია მისი არაერთგზის კლინიკური მკურნალობა, რაშიც მისივე მამას როგორც იტყვიან „ლომის წილი" მიუძღვის, მაგრამ ბოლო წლებში სპირსმა ალბომიც კი გამოსცა.
6) ემინემი. მას შემდგომ, რაც ცნობილმა რეპერმა 2005 წლის ევროტური – ‘Anger Management 3’ გადადო, რის მიზეზადაც „დაღლილობა" დაასახელა, იგი მიჩიგანის შტატის სარეაბილიტაციო ცენტრში აღმოჩნდა, რის მიზეზადაც საძილე საშუალებების ბოროტად გამოყენება დასახელდა. 2009 წელს, კი მან გამოსცა ალბომი – ‘Relapse’-ი.
7) უიტნი ჰიუსტონი. 2002 წელს აღიარებული ნარკოდამოკიდებულების შემდგომ, რაც კოკაინის, მარიხუანასა და აბების გამოყენებით იყო განპირობებული, 2 წლის ინტერვალით, ცნობილი მომღერალი 2004–სა და 2005 წლებში სარეაბილიტაციო ცენტრში მოხვდა. 2007 წელს „გრემი"–ს ჯილდოს მფლობელი მომღერალი, 15 წლიანი ქორწინების შემდგომ, მეუღლასაც გაშორდა.
8. რობინ უილიმასი. სიფხიზლის 20 წლიანი ინტერვალის შემდგომ, ოსკაროსანი მსახიობი კვლავაც დაუბრუნდა თავის ძველ „საქმიანობას" და ალკოჰოლის ბოროტად გამოყენებისთვის სარეაბილიტაციო ცენტრში აღმოჩნდა. როგორც მისმა მენეჯერმა განმარტა, მსახიობმა თავდვე გადაწყვიტა აქტიური ზომების მიღება, რათა მისი პირადი სახელისა და ოჯახის აუგად მოხსენიებისგან თავი აერიდებინა.
9) ჩარლი შინი – საკმაოდ მაღალანაზღაურებადი მსახიობი. იგი პირველად სარებილიტაციო კლინიკაში 1990 წელს – ალკოლოლური პრობლემების გამო მოხვდა. 2011 წლის იანვარში, როცა იგი ლოსანჟელესის საავადმყოფოში კვლავაც განათავსეს, ის ისევ თავის „დემონებს" ებრძოდა. როგორც გაირკვა, საავადმყოფოში გადაყვანის მიზეზი, ჩარლი შინის სახლში შემდგარი თავაშვებული ღრეობა იყო, სადაც ნარკოტიკები და დიდი რაოდენობით ალკოჰოლი იქნა გამოყენებული.
10) ლინდსი ლოჰანი. მან ჯერ კიდევ 2007 წელს განაცხადა, რომ უწინამც მოკვდებოდა, ვიდრე სარებილიტაციო ცენტრს მიაკითხავდა, თუმცა მას შემდგომ მან არა მხოლოდ კლინიკაში დაჰყო, არამედ 90 დღიანი ციხის სასჯელიც მოიხადა, რაც მიუხედავად მრავალგზის გაფრთხილებისა, ალკოჰოლის ბოროტად გამოყენების შედეგად განვითარებული საგზაო შემთხვევებისა და ასევე ადამიანებთან უსიამოვნო ურთიერთობებში აისახა.