11) დევიდ არკეტი. მსახიობი 2011 წლის 1 იანვარს ალკოჰოლის ბოროტად გამოყენების გამო კლინიკაში მოხვდა. 2010 წლის ოქტომბერში ის 11 წლიანი ქორწინების შემდგომ კორტნი კოქსს (ცოლს) გაშორდა.
12) დემი ლოვატო. მსახიობმა და მომღერალმა 2011 წლის იანვარში 90 დღიანი სარეაბილიტაციო კურსი დაასრულა. ის კლინიკაში „ემოციონალური და ფიზიკური პრობლემების" გამო მოხვდა. როგორც მისი წარმომადგენელი აღნიშნავს, ლათინურ ამერიკაში დაგეგმილი ტურის დროს ლომატოს ნერვული აშლილობა გამოეხატა, რისი დამარცხებაც მან ალკოლოლით სცადა, თუმცა ალკოჰოლსა და ნარკოტიკზე ყველა გადაკრული სიტყვაც კი უარყოფილია.
13) აარონ კარტერი. მომღერალი ჯერ 2006 წელს იმყოფებოდა სარეაბილიტაციო კურსის გასავლელად, სადაც ნარკოტიკებისთვის მოხვდა. ახლა კი, 2011 წლის იანვრის თვე გაატარა კალიფორნიის ერთ–ერთ კერძო კლინიკაში.
14) ჯონათან რის მეიერი. მსახიობი ბოლოს 2010 წლის მაისში იმყოფებოდა ლონდონის კლინიკაში, სადაც ალკოჰოლური დამოკიდებულების წინააღმდეგ მიმართული კურსი გაიარა. ალკოჰოლი იყო მიზეზი მისი 2007 წლის აპრილსა და 2009 წლის ივნისში ატეხილი დებოშისაც.
15) ჯესი ჯეიმსი. მოტომექანიკოსი – სანდრა ბულოკის ყოფილი ქმარი გახლავთ, ვინაც 2010 წლის მარტში იმყოფებოდა არიზონას ერთ–ერთ კლინიკაში, რომელიც სექსო, ნარკო და ალკოჰოლურ დამოკიდებილებებზე სპეციალიზირდება.
16) სტივენ ტაილერი. ჯგუფ – „Aerosmith"-ის წევრი 2009 წლის დეკემბერში ტკივილგამაყუჩებლებისადმი გადამეტებული ლტოლვის გამო მოხვდა კლინიკაში. მან აღიარა, რომ სიფხიზლის 12 წლიანი ინტერვალის შემდგომ კვლავაც სასმელს მიეძალა, რის შედეგადაც 2009 წელს სამხრეთ დაკოტაში გამართული კონცერტის სცენიდან ჩამოვარდა, მხარი მოიტეხა და მედიკებმა 12 ნაკერიც დაადეს, თუმცა როგორც თავად განმარტა, მისთვის ყველაზე დიდ ტრავმად მისივე ჯგუფის წევრების მიერ გამოჩენილი გულგრილობა და დუმილი აღმოჩნდა.
17) ტაიგერ ვუდსი. გოლფის პროფესიონალმა მოთამაშემ 2009 წლის დეკემბერში სპორტიდან დასვენება განიზრახა და ფლორიდაში, საკუთარ სახლთან ავარიაში მოყვა, რის შემდგომაც ცოლის მიმართ ღალატსაც ფარდა აეხადა და მისურის შტატში „ფაინ გროუდის" სარეაბილიტაციო ცენტრში მოხვდა, სადაც 2010 წლის 20 იანვრამდე „სექსუალური დამოკიდებულების" წინააღმდეგ მიმართულ, მკურნალობის სარეაბილიტაციო კურსს გადიოდა.
18) მიშა ბარტონი. მსახიობი გოგონა 2007 წელს დააკავეს – ავტომობილის არაფხიზელ მდგომარეობაში მართვის გამო. იმისთვის, რომ სასამართლო დაერწმუნებინა იმაში, რომ იგი გამოუსწორებელი ლოთი არ იყო, ბარტონმა საკუთარი ინიციატივით მიმართა სარეაბილიტაციო კლინიკას.
19) დევიდ ჰასელჰოფი. სერიალ – „მალიბუს მაშველთა" გმირი, ვინაც ჯერ კიდევ 1970 წელს აღიარა მისი ალკოჰოლზე დამოკიდებულება. 2007 წელს გამოიცა ვიდეომასალა, სადაც იატაკზე მყოფი, გალეშილი მსახიობი ჩიზბურგერის მირთმევას ლამობს, იმ დროს, როცა უკან მდგომი მისივე ქალიშვილი ცდილობს, პირობა ჩამოართვას მამას, რომ მეტად ასე აღარ მოიქცევა და ბოლოს მოუღებს სმას. 2009 წელს ჰასელჰოფმა არაერთხელ მიმართა კლინიკას, სადაც იგი ალკოჰოლზე დამოკიდებულების წინააღმდეგ მიმართულ სარეაბილიტაციო კურსს გადიოდა.
20) ვაინონა ჯადი. დუეტ – „The Judds"–ის ყოფილი მონაწილე, ვინაც 2003 წელს გამართულ შოუში აღიარა მისი საჭმლის მიმართ ზეაწეული დამოკიდებულება. მან ტეხასის კლინიკაში გაიარა სარეაბილიტაციო კურსი.
21) რობერტ დაუნი უმცროსი. მსახიობს ჯერ კიდევ სიყრმის წლებიდან ჰქონდა ნარკოტიკების მიმართ ლტოლვა, თუმცა 1992 წლიდან იგი თითქოს დაუბრუნდა ცხოვრების ჭეშმარიტ გზას, როცა ფილმ – „ჩაპლინში" განხორციელებული როლისთვის იგი ოსკარის ნომინაციაზე წარადგინეს. 1996 წელს კი მან კლინიკას მიმართა, რამეთუ მის კარიერას ხელს უშლიდა ნარკოტიკებისადმი მისი ზეაწეული ლტოლვა და სარეაბილიტაციო კურსიც გაიარა. კურსის გავლის შემდგომ მან მონაწილეობა მიიღი ისეთ ფილმებში, როგორებიცა: „რკინის კაცი", „შერლოკ ჰოლმსი", „სოლისტი" და სხვა.
22) ტარა რიდი. მსახიობმა, რომელიც პუბლიკისთვის ცნობილი გახდა ფილმიდან „ამერიკული ნამცხვარი", 2008 წლის 12 დეკემბერს მიმართა მალიბუს კლინიკას. მისი მკურნალობის სპეციფიკის შესახე ინფორმაცია არ ვრცელდება.
23) ემი უაინჰაუსი. მომღერალი 2008 წლის იანვარში მოხვდა კლინიკაში, სადაც იგი ალკოლისა და ნარკო–დამოკიდებულების წინააღმდეგ მიმართულ სარეაბილიტაციო კურსს გადიოდა. ამავე წელს იქნა გამოქვეყნებული ვიდეომასალა, სადაც მსახიობი კოკაინს მოიხმარდა. გასულ წელს „გრემი"–თ დაჯილდოების ცერემონიაზე ემი უაინჰაუსმა 5 ჯილდო მოიპოვა.
24) კირსტენ დანსტი. 2008 წლის თებერვალში მსახიობი იუტას შტატის კლინიკა – ‘Cirque Lodge’–ში გადიოდა სარეაბილიტაციო კურსს, თუმცა მიზეზი არ ხმაურდება.
25) დელტა ბერკი. მსახიობმა 2008 წელს გაიარა სარეაბილიტაციო კურსი, სადაც იგი დეპრესიის, დიაბეტისა და მაღალი წნევის თანმხვედრ პრობლემებს უმკლავდებოდა.
26) სემერ არმსტრონგი. ჰოლივუდელი ვარსკვლავი 2007 წელს გადიოდა სარეაბილიტაციო კლინიკურ კურსს, სადაც იგი „პირად პრობლემებს" უმკლავდებოდა.
27) ვან ჰალენი. როკ–მომღერალმა 2007 წელს მიმართა კლინისაც, სადაც მან განაცხადა: „ვეღარ ვგრძნობ, რომ ყველაფრის ბოლომდე გაცემა შემიძლია, აქ იმიტომ მოვედი, რომ საკუთარ თავზე ვიმუშაო და სამომავლოდ 110%–თ დავიხარჯო".
28) ისაია ვაშინგტონი. მსახიობი კლინიკაში 2007 წლის იანვარში მოხვდა, რაც საკუთარი მეგობრის მიმართ ჰომოფობიურმა ლტოლვამ განაპირობა. როგორც მან განაცხადა: „ვთვლი, რომ ჩემი მხრიდან აუცილებელი იყო ამ ნაბიჯის გადადგა, რამეთუ უნდა გავათვითცნობიერო რატომ გავაკეთე ეს და დავრწმუნდე, რომ ის რაც ჩავიდინე მეტად აღარ განმეორდება".
29) ტარა კონერი. კენტუკის შტატის მკვიდრი, 2006 წლის „მის აშშ"–ც ითვლებოდა პენსილვანიის სარეაბილიტაციო კლინიკის პაციენტად, რადგანაც ალკოჰოლსა და კოკაინზე დამოკიდებულება ედებოდა ბრალად.
30) კორტნი ლავი. 2004 წელს მსახიობმა 18 თვიანი სარეაბილიტაციო კურსი გაიარა, მას შემდგომ, რაც კოკაინის ზემოქმედების ქვეშ, იგი ყოფილი შეყვარებულის სახლში შევარდნას ლამობდა. მომდევნო წელს, მან ეს ყოველივე აღიარა და კვლავად დაემატა 28 დღიანი კურსი.
31) ოზი ოზბორნი. როკ–მომღერლის მთელი ოჯახი გადიოდა სარეაბილიტაციო კურსს. მათ შორის ქალიშვილი – კელი ტკივილგამაყუჩებლების ბოროტად მოხმარებისთვის, ვაჟი – ჯეკი სასმელისა და მარიხუანას მოხმარებისთვის. ოზის მეუღლე – შერონმა, კი ქმარი იმ ცდუნებით მიყვანა სარეაბილიტაციო ცენტრში, რომ იქ ბარი იქნებოდა.
32) მერი–კეით ოლსენი. მსახიობმა იუტას შტატში არსებულ ერთ–ერთ კლინიკას 2004 წელს მიმართა, სადაც იგი ანორექსიის (მადის დაკარგვა, იწვევს კვების ცენტრის შეკავება – თავის ტვინის ძლიერი აგზნების, ფსიქოლოგიური და ენდოკრინული დაავადებების, მწვავე და ქრონიკული ინფექციის, კუჭ–ნაწლავის დაავადებების და სხვათა დროს.) წინააღმდეგ მიმართულ სარეაბილიტაციო კურსს გადიოდა. რაც შეეხება მის მიმართ გავრცელებულ ჭორებს – ნარკოტიკების მოხმარების შესახებ, არ დადასტურდა.
33) ფოქსი ბრაუნი. სუსტი სქესის წარმომადგენელი რეპერი იძულებით იქნა გამწესებული სარეაბილიტაციო ცენტრში სამკურნალოდ, რაც სილამაზის სალონში მის მიერ ატეხილი დებოშის გამო მოხდა. მოგვიანებით, კი იგი კლინიკიდან გამოაგდეს, ცენტრის თანამშრომლისადმი მიზანმიმართული აგრესიის გამო.
34) მაიკლ ტაისონი. ცნობილმა მოკრივემ არიზონას კლინიკა 5 დღეში დატოვა, სადაც იგი კოკაინის მოხმარების გამო გაამწესეს, თუმცა ჩინეთში მაოს საფლავის მონახულების შემდგომ, თავდვე მიმართა ფენიქსის კლინიკას, სადაც მან 30 დღე დაჰყო.
35) ნიკოლ რიჩი. ტელევარსკვლავმა თავად მიმართა სარეაბილიტაციო კლინიკას, მის სიგამხდრესთან დაკავშირებულ, შესაძლო ანორექსიის შიშით, სადაც მას წონის შემატება სურდა. ამ შემთხვევამდე 3 წლით ადრე, იგი ნარკოდამოკიდებულების წინააღმდეგ იყო გამწესებული კლინიკაში, მას შემდგომ, რაც ჰეროინის შენახვაში დასდეს ბრალი.
36) ქეით ურბანი (Keith Urban). ქანთრის ჟანრის მომღერალი 2007 წელს დაუბრუნდა სცენას, რაც მისი ალკოჰოლისადმი ლტოლვის წინააღმდეგ მიმართული სარეაბილიტაციო კურსის გავლის შემდგომ მოხდა. 4 თვით ადრე, ვიდრე იგი კლინიკაში განთავსდებოდა, მსახიობ ნიკოლ კიდმანზე დაქორწინდა (2006 წ).
37) ბილი ჯოილი. მესამე ქორწინებიდან ჯერ კიდევ ერთი წელიც არ იყო გასული, როცა მომღერალმა და კომპოზიტორმა, კალიფორნიის კლინიკა – „რანჩო მირაჟს" მიმართა – ალკოჰოლისადმი დამოკიდებულებისაგან თავის დასაღწევი კურსის გასავლელად. პირველად იგი კონექტიკუტის კლინიკას 2002 წელს ეწვია.