|
მთავარი » 2010 » ოქტომბერი » 27 » თბილისი საერთაშორისო ჯაზ-ფესტივალს მასპინძლობს
16:15 თბილისი საერთაშორისო ჯაზ-ფესტივალს მასპინძლობს |
თბილისი მორიგ ჯაზ-ფესტივალს მასპინძლობს, რიგით მე-13 საერთაშორისო ფესტივალი ფილარმონიის დიდ საკონცერტო დარბაზში დღეს გაიხსნება. მელომანები 4 დღის განმავლობაში 8 კონცერტს მოისმენენ. აბონემენტის ფასი 350 ლარია, 1 ბილეთი კი 30-50 ლარი ღირს.
კონცერტების შემდეგ "თბილისი ივენთ ჰოლში" ჯემსეიშენი გაიმართება, სადაც ახალგაზრდა ჯაზ-შემსრულებლები თავიანთ შემოქმედებას წარმოგვიდგენენ.
მსოფლიო ჯაზის ვარსკვლავებიდან თბილისში უკვე იმყოფებიან დიანა რივზი, რომელიც ჯორჯ დიუკის ბიძაშვილია, რეიჩელ ფერელი, ქრისტიან სკოტისა და მაქქოი ტაინერის კვინტეტები, ჯგუფები "ელ-იმიჯი", "სინდიკატი", "ჯაზ ქრუსეიდერსი" და original blues brothers band da omar.
ფესტივალს ახალგაზრდა მესაყვირე, კრის ბოტის მიერ აღიარებული კრისტიან სკოტი გახსნის. მისი შესრულების მანერა თანაბრად იზიდავს როგორც ჰიპ-ჰოპის, ისე ჯაზის მოყვარულთ.
"მინდა ჩემი მუსიკით ვაჩვენო, რომ წარმატების მისაღწევად არაა აუცილებელი განსაზღვრულ წესს მიჰყვებოდე, თუ შენი მიზნები სწორი და გულწრფელია, ხალხი გაიგებს და მიიღებს", - ამბობს მუსიკოსი.
ჯაზ-ფესტივალის კულმინაციად ორგანიზატორები ბოლო დღეს მიიჩნევენ - 30 ოქტომბერს original blues brothers band da omar დაუკრავს. აღსანიშნავია, რომ ფილმ blues brothers-ს 30 წელი შეუსრულდა. ფესტივალი "ივენთ ჰოლში" ლევან ჩიჩუას ბენდთან ერთად დასრულდება. ჯაზ-ფესტივალის გაშუქებაში რამდენიმე ბლოგერიც მიიღებს მონაწილეობას.
ღონისძიების ორგანიზატორი "ისტერნ პრომოუშენია", ფინანსური მხარდამჭერი კი - კულტურისა და ძეგლთა დაცვის სამინისტრო.
|
კატეგორია: ქართველები |
ნანახია: 813 |
დაამატა: Qindi
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ]
|
|
|