 საქართველოს ეროვნული ნაკრების ნახევარმცველის, კახა კალაძის მეუღლე, მოდელი ანუკა არეშიძე, ამჟამად სამოდელო ინდუსტრიაში აღარ მოღვაწეობს, მაგრამ ისევ აქტიურად ეცნობა თანამედროვე მოდის სიახლეებს და ცდილობს, მოდას არ ჩამორჩეს. ანუკა არეშიძეს მილანში დავუკავშირდით.
- როგორია ანუკას სტილი?
- მიყვარს განსხვავებული სამოსი. ბავშვობიდან ასე ვიყავი, მაგრამ ადრე ხშირი მზერა მაკომპლექსებდა. მეგონა, თუკი მიყურებდნენ, ეს ცუდი იყო. დღეს კი, პირიქით, მომწონს, რომ მილიტარულ, სპორტულ, 40-60-იანი წლების, როკის, კოვბოურ თუ კოქტეილის სტილის სამოსს ერთნაირად ვიხდენ.
- ვის აზრს ითვალისწინებთ ჩაცმისას?
- საბოლოო გადაწყვეტილებას ყოველთვის თვითონ ვიღებ. ცხადია, კახას აზრს ვეკითხები, მაგრამ თუ მე მომწონს ის, რაც მაცვია, რაც უნდა მითხრას, მაინც ჩავიცვამ.
- მაკიაჟი აუცილებლობად მიგაჩნიათ?
- სწორი მაკიაჟი მომწონს, მაგრამ ყოველდღიურად არ ვიკეთებ. 5 წელია, YSL-ის თვალის ტუშს ვხმარობ. ასევე ძალიან მომოწონს ცლინიქუე-ის მალამოები.
- რომელ სუნამოს იპკურებთ?
- ამჟამად - ჩჰანელ Eue Verte-ს და Chanel Beige-ს. მიყვარს გრილი სუნამოები, ოდნავ თამბაქოს სურნელი რომ დაჰკრავს.
- თუ კარგი ჩანთა გიჭირავს და კარგი ფეხსაცმელი გაცვია, ესე იგი, კარგად გამოიყურები?
- ჩანთა და ფეხსაცმელი ქალისთვის უმთავრესია. კარგ ფეხსაცმელს ნებისმიერ სამოსს შეუხამებ, ცუდი ფეხსაცმელი კი სამოსის იერსახესაც აფუჭებს.
- მაღალი ქუსლები სიარულს - უფრო გრაციოზულს, სილუეტს უფრო დახვეწილს აჩენს...
- მაღალი ქუსლები სიარულის სათანადო მანერასაც მოითხოვს. ვინც მაღალ ქუსლებზე სიარული არ იცის, ძალიან სასაცილო შესახედავია, თუმცა ისე არაფერი უხდება ქალს, როგორც სწორად შერჩეული მაღალქუსლიანი ფეხსაცმელი. ჩემთვის მაღალ ქუსლებზე სიარული პრობლემა არ არის, 12 წლიდან მაღალქუსლიანი მაცვია. მეტიც - 4 სმ-იან ქუსლებზე ვცეკვავდი და ვვარჯიშობდი კიდეც (იცინის). ჩემი ფეხსაცმლის ქუსლის მაქსიმალური სიმაღლე 16 სმ-ია.
- თანამედროვე ტენდენციებს თუ ითვალისწინებთ?
- მოდის ერთ-ერთ ფუძემდებელ ქვეყანაში ვცხოვრობ, ასე რომ, იძულებული ვარ, მოდას არ ჩამოვრჩე, თუმცა არც ძველ კოლექციებს ვივიწყებ, რაც მომწონს, იმას ხშირად ვიცვამ.
 - როგორ მოგწონთ ქართველი დიზაინერების ნამუშევრები?
- საქართველოში მოდა ვითარდება და ეს ძალიან მახარებს, მეტიც, მეამაყება ქართველი დიზაინერების მიღწევები. მართალია, მათთან საგანგებოდ არაფერი შემიკერავს, მაგრამ ჩემს გარდერობში არის ბიჭოლას, ავთანდილის, ირაკლი რუსაძის, დათუნა სულიკაშვილის, თეონა თავართქილაძის ნამუშევრები. ზოგი შევიძინე, ზოგიც მისახსოვრეს.
- რომელი უცხოელი დიზაინერი მოგწონთ ყველაზე მეტად და საერთოდ, რამდენად დიდ ყურადღებას აქცევთ სამოსის მარკას?
- მხოლოდ მარკის გამო ძვირად ღირებული ბრენდის შეძენა არ ღირს. ბევრი უცნობი დიზაინერის სამოსი მომწონებია - იაპონელების, იტალიელების, რომლებმაც უკვე პარიზის მოდის სახლებიც დაიპყრეს.. რა თქმა უნდა, მომწონს ფრანგული მოდის სახლები.
- ამ სეზონზე თუ განიახლეთ გარდერობი და რაზე გააკეთეთ აქცენტი?
- გარდერობის განახლება მოვასწარი. აქცენტი ნაქსოვ ზედატანებზე, ხელოვნური ბეწვის ჩექმებსა და შუზებზე გავაკეთე.
- პლასტიკური ქირურგია მისაღებია თქვენთვის?
- გარეგნობაში კორექტივების შეტანის მომხრე ვარ და მივესალმები ისეთ ქალებს, რომლებსაც სურთ, უკეთესები გახდნენ, მაგრამ როდესაც ეს ჩვეულებად იქცევა, საშინელებაა. ასაკში რომ შევალ და ოქროს ძაფები დამჭირდება, აუცილებლად გავიკეთებ, რომ ლამაზი ბებია ვიყო (იცინის).
- როგორი დამოკიდებულება გაქვთ აქსესუარების მიმართ?
- ძვირფას სამკაულებს მხოლოდ წვეულებაზე ვიკეთებ. ძირითადად, მაღალი ხარისხის ბიჟუტერია მიკეთია. აქსესუარები ჩემი სუსტი წერტილია. ხელნაკეთი სამკაულები მიყვარს - ვგრძნობ ავტორის ენერგიას. ბეჭდის, საათის და სათვალის გარეშე შინიდან არ გავალ.
- დაასახელეთ ყველაზე ელეგანტური ცნობილი ქართველი ქალი და მამაკაცი.
- საქართველოში ბევრი ელეგანტური ქალია, თუმცა მაინც გამოვარჩევდი რამდენიმეს: დალი ჩიტალაძეს, მაკა ასათიანს, სოფო ჭყონიას. ყველაზე გემოვნებიან ქალბატონებად კი ბასა ფოცხიშვილი, სალომე ღვინიაშვილი, თეონა თავართქილაძე მიმაჩნია. მამაკაცებიდან ჩემს მეუღლეს კახას, აგრეთვე, ზურა ხიზანიშვილს, ლევან კობიაშვილს გამოვარჩევდი. საზღვარგარეთ ყოფნა ხელს უწყობთ, სხვადასხვა სტილი თამამად შეუხამონ ერთმანეთს.
- თბილისში გავრცელდა ინფორმაცია, რომ რიყეზე "ბუდა-ბარი" იხსნება, ვინაიდან თქვენს მეუღლეს კიევში მსგავსი ბარი აქვს, ყველას ჰგონია, რომ თბილისური ბარიც კახას ეკუთვნის...
- თბილისური "ბუდა-ბარი" კახასი ნამდვილად არ არის
.
|
Pm ( 
სულ: 756 
თვის განმავლობაში: 0 
საიტის ადმინი: 4 
სერვერის ადმინი: 3
მოდერები: 8
მომხმარებელი: 0 
მნახველი: 737 
ქალი: 653 