რეჟისორმა – Stephen Low–მ, რომელიც 15 აპლოდირებული, ფართეფორმატიანი დოკუმენტური ფილმის ავტორია, American Suzuki Motor Corporation–ის, Tahiti Tourisme North America–სა და Quiksilver–თან ერთად, შექმნეს სერფინგსა და სერფერებისადმი მიძღვილი, მსოფლიოში პირველი ფილმი – "The Ultimate Wave Tahiti’’, რომელიც 3D ფორმატში განახორციელეს.

ეს გახლავთ უნიკალური მოგზაურობა მსოფლიოს ერთ–ერთ ულამაზეს კუნძულ ტაიტზე, სადაც მსოფლიოს ლეგენდა, სერფინგის 9 გზის მსოფლიო ჩემპიონი – Teahupo’o–ს სტუმრობს და სერფ–გურუ – Raimana Van Bastolaer–თან ერთად, მაყურებელს ნათლად უხატავენ, არა მხოლოდ თავიანთ ხელოვნებას, არამედ ტაიტის დაუვიწყარსა და თვალწარმტაც ადგილებს და თუ როგორ შეიძლება სხვადასხვა სამყაროს ადამიანთა შორის ურთიერთგაგება დამყარდეს, თუკი მათ ოკენისადმი ლტოლვა აერთიანებთ. ფილმში ასევე მოთხრობილია გარემო პირობებზე, წყალქვეშა სამყაროსა და მის ბინადრებზე და რაღა თქმა უნდა იმაზეც, თუ პლანეტის რომელ ზღაპრულ ადგილებში შეიძლება ყველაზე საუკეთესო ტალღის აღმოჩენა.

3 განზომილებიანი კამერა – Gemini–თ განხორციელებული გადაღებები, რომელიც 1 მილიონი დოლარის ღირებულებისაა, შესაძლებლობას გვაძლევს 12–ჯერ გადიდებული სახით ვიხილოთ უმაღლესი ხარისხის, უნიკალური გამოსახულება, ხოლო – Nescafe IMAX–ის სპეციალურად პროექტირებული, ნახევარსფეროსებრი ეკრანი, კი კუნძულზე მიმდინარე მოვლენების 100%–იან თანამონაწილეობის, ტაიტის უძველეს კულტურასა და მარჯნის რიფებს შორის რეალურად ყოფნის ილუზიას გიქმნით. შეგახსენებთ, რომ ექსტრემის მოყვარულნი, ფილმის ხილვას სექტემბრის შუა რიცხვებიდან შეძლებენ.