ცნობილმა იუმორისტმა ჯოშ ბილინგსმა თქვა: „ცხოვრებაში არსებობს 2 მოულოდნელი რამ, რისთვისაც ჩვენ არასდროს არ ვართ მზად და ეს ტყუპებია…"

ტყუპებზე დაკვირვებებმა აჩვენა, რომ ტყუპები ბუნების საოცრებები არიან, მათი დაბადება ხომ იშვიათი და უნიკალური მოვლენაა. ტყუპები არიან ორი განცალკევებული ადამიანები, განსაკუთრებული გრძნობებითა და ტელეპატიური ნიჭით. ადამიანებში უფრო ხშირია ორი ტყუპი, მაგრამ არსებობს ერთმანეთზე გადაბმული სიამის ტყუპებიც. ისინი ყოველთვის ერთი სქესისანი არიან და ძალიან ჰგვანან ერთმანეთს. ტყუპების ყოლის შანსს გენეტიკას მიაწერენ. ისინი ჩნდებიან თითქმის ერთდროულად ერთი დედისგან. არსებობს ტყუპების ორი ტიპი: ერთკვერცხისეული და სხვადასხვაკვერცხისეული. ერთკვერცხისეულ უჯრედებს აქვთ საერთო პლაცენტა, ერთნაირი გენოტიპი, ყოველთვის ერთი სქესისანი არიან, აქვთ სისხლის ერთი და იგივე ჯგუფი და ძალიან ჰგვანან ერთმანეთს. სხვადასხვაკვერცხისეული ტყუპების წარმოშობა შესაძლებელია ორი ან მეტი კვერცხუჯრედის ერთდროულად მომწიფების შემთხვევაში. ისინი შეიძლება იყვნენ როგორც განსხვავებული, ისე ერთი სქესისანი, ერთმანეთს ისე ჰგვანან, როგორც ჩვეულებრივი და-ძმა.