ჟურნალმა Vogue ბოლო ათწეულის ყველაზე მოდურ ქალბატონად ბრიტანელი სუპერმოდელი კეიტ მოსი დაასახელა. "კეიტმა თანამედროვე ქალებზე ძალიან დიდი გავლენა მოახდინა", - განაცხადა Vogue-ის მოდის განყოფილების დირექტორმა ალექსანდრა კოტურმა.

36 წლის ინგლისელი ქალბატონი არა მხოლოდ სამოდელო საქმიანობით, არამედ დიზაინით, მუსიკით, კულინარიით, საიუველირო და პარფიუმერული ბიზნესითაც არის დაკავებული, - წერს "The Daily Express".

კეიტ მოსის გარდა, ბოჰემური სტილის ხატად ჟურნალმა მსახიობი სარა ჯესიკა პარკერი დაასახელა, აშშ-ის პრეზიდენტის მეუღლე მიშელ ობამა დამოუკიდებლობისთვის შეაქო, მსახიობ ჯესიკა ბილს კი ამერიკული სილამაზის განსახიერება უწოდა.